Separation ..

Mumbai expressway,

Nasik, Maharashtra.

Time : 12.14am

Mode : 

Judaai

Samandar ka kinaaro se kuch toh rishta hoga, 

Tabhi toh baar baar kinaaro par aake takraate hai,

Ek badi si leher banke aate hai aur chaknachur ho jaate hai,

Naa jaane guroor mai kaun hai , aur hai bhi toh kyu hai,

Ek bikharta jaa raha hai aur dusra kat ta chala jaa raha hai…

Shayad ek bohat lambi kahani hai samndar ke paas, tabhi toh hum usse sunte chale jaate hai….

Shayad woh kahani judaai ki hogi…

Judaai … Samandar aur kinaare ki judaai..

Samandar aur kinaaro ka rishta aisa dikhaayi padta hai jaise do premiyon ko alag ki jaa raha hai .. aur dono ne hath tham rakha hai…

Ek khichtaan ho rahi hai dono ke darmiyaann….

Lekin woh hath jo thama hua hai woh majboot hai…

Ungliyaann ek duje mai phass chuki hai…. 

Shayad yeh rishta judaai ka hi hoga …

#poem #hindi #kavita #hindipoems #separation #judaai #sea #beach #realtionship

The concrete jungle !

Hinjewadi, 

Pune, Maharashtra.

Time : 6.38pm

Mode : 

Bhook.


Bhook lagi hai zoro ki, ab yeh bhook kaise mitaau??,

Khaane ko aanaj toh hai mere paas , par chulha yeh kaise jalau?,

Chulha toh jala bhi loo, par mai lakdiyaan kahan se laau?,

Jungle hai charo taraf mere, yeh jungle concrete ka  hai par..

Ab tum hi bolo mai yeh concrete kaise jalau ??

Bhook lagi hai zoro ki, ab yeh bhook kaise mitaau ??

Sarkar kehti hai cylinder lelo, aur sath mai stove bhi..

Connection hum karava denge..

Ab tum hi bolo yeh sab toh lelu par..

Ab lakdiyon ke sath sath, ab mai paise bhi kahan se laau…

Ab sarkar tum hi batao, ab khali pet mai paise kaise kamau…

#hindipoems #poems #death #hindi #maut #varanasi #india #rekhta #literature #feelings #thoughts

The Perfect Timepiece.

Assi ghat, 

Varanasi , uttarpradesh.

Time : 05.27 pm

Mode :

Samaya !

Log kehte hai insaan badal jata hai,

Main kheta hoon ki shayad waqt badal jata hai…

Waqt hi toh usse chalata hai, aur waqt hi shayad usse rukata hai,

Aaj jo uska tha kal kisi aur ka ho jaat hai, aur jo kabhi socha naa tha bas ek pal mai uska ho jaata hai,

Waqt ne hi ramayan banayi , usne hi mahabharat rachaayi,

Raam se sita milayi, heer raanjhe ki naa ho paayi…

Waqt badalta raha.., Aur insaan bhi badalta raha….

Kal jo ek bada kalakaar tha, ussi se sabse bada narsanhaar karaya… 

Sabse dukhi insaan ne humien tv par khoob hasaya…. 

Waqt hi asli racheta hai ,

Waqt hi sawaal hai , 

Waqt hi jawab hai,

Acche waqt mai insaan accha , bure mai wahi jaanwar sa banjata hai,

Waqt hi toh bhooka hai… Woh aakhirkaar sabkuch chabaa jata hai….

Waqt rehte waqt ko samjhlo, naa jaane kab waqt apni chaal badal le…

Naa jaane kab insaan badal le,

Shayad jawab wahin honge par naa jaane kab tu apne sawal badal le….

 

#hindipoems #poems #death #hindi #maut #varanasi #india #rekhta #literature #feelings #thoughts

Maut.

Manikarnika Ghat,

Varanasi, Uttar pradesh.

Time : 8.20pm

Mode :

Maut ki Dastak.

Aaj maine maut ko dekha…
Shayad woh kareeb thi yaa woh mere ander hi dabbi baithi hai kahin
Hum sarra jeevan kuch toh dhundh rahe hai…
Shayad woh maut hi ho…
Jab mil jaye hum uski ungli thame nikal chalte hai… 
Ek chotte bacche ki tarah….
Naa sawaal naa javab…
Jaise koi undekha sa khawwab…
Jaise humien uska hi intejaar tha…
Naam bhi shayad pata hai usse hamara…
Tabhi toh ek aawaj ander se hume pukaar rahi hoti hai
Maut hi toh ek satya hai baaki sab bharam hai….
Satya dekhna hai toh ek jalti hui chitta ko dekho…
Jis dehh ko tum jeevan bhar sambhal te ho… chitta mai wahi paani ki tarah peegal jata hai aankhon ke saamne….
Shakal peegal jaati hai… 

Sab kuch dekhte dekhte khaak ho jaata hai…
Hum shayad khaak banke wapas uss mitti mai ek beej banke sama jaate hai…
Ek naye jeevan ki shuruvaat karne ke liye…

    #hindipoems #poems #death #hindi #maut #varanasi #india #rekhta #literature #feelings #thoughts